Ni 50 sung Tuipi tungah amangcip Tangvalno 3

October 5, 2010 in Pacific Tuipi khanglam aa Atafu tuikhulh ah om tangvalno thum in hoihtak ngaihsun lopi in khensatna kha thong bawl uh hi. A nu le pa-te uh kuppih masa loin amau tawh tai 50 kigamla aa om tuikulh khat ah pi 12 a sau aluminum boat khat tawh nungak hel aa pai dingin hong khensat uh hi.

A paisawm na uh tuikulh tunglo uh hi. Kal nih kal thum a kizon khit ciangin mulo uh hi. Tua tangvalno-te sita uh hinteh ci in a innkuanpihte un vuibawl in dahna mahmah uh hi.

Tua tangvalno-te innpan a paikhiat zawh uh ni 50 a cinni in New Zealand lam ah nidanga a zuih ngeiloh uh tuilam tawn in hong ciah Tuna boat khat in boat neu tung khat pan in khutkivan in huhna angen tangvalnote mu hi. Tangvalnote pen inn pan in tai 800 bang a kigamlatna mun Fiji tuikulh nisuahna saklam dong ah tuihual in a seem ahi hi. Tangvalnote tui a dawnloh uh sauveita ahih manin keusuak mahmah uh aa, gim leh tawl in a nungta liailiai bek uh ahi hi.

Tangvalnote in a paikhiat lai un zukham kawm in ihmu kha uh aa, a khanlawhkik uh ciangin leitang tawh kigamlapi ah om ahih lam uh kithei in koilam zuan ding cih theilo uh hi. Nek ding leh dawn ding a puak teng uh niguk sungin bei pah hi. Guah a zuk ciangin tui dawh in dawn uh hi. Boat sungah hong lutkha ngasate peuh sial nek in kinaamtaak uh hi.

Tua tuna boat-te in mulo uh hi leh kal khat zong nungta nawnlo ding uh ahi hi. A hun lap lian in kimu aa kihonkhiazo ahi hi.

Inn a tun uh ciangin a nu le pa-te uh leh a khuapihte khempeuh uh nuamlua mahmah uh ahih manun lamdungah khat le khat lasa, kikawi, awng gawp mai in kap ngeingai uh hi ci-in tangvalno khat i pa in reporter-te kiangah gen hi.

Lai Siangtho sungah zong tua bang nuamna tawh kibang na om hi. Mawhnei khat kisikkik in Pasian a zuat ciangin vantung khuapi lamdung khempeuh ah lungdamna awging kiza hi ci hi. Mawh nei khat a kisik na hangin vantung ah nuamna a lianpi om hi (Luke 15:7).

Eite i van-inn i tun ciangin, hong ciahkik tapa taimang adingin Pa in pawi a khaam mah bangin eite tunna hangin a lianpen leh a nopci pen pawi hong khaamsak ding hi. Tua ni ding na lawp hiam?

Tangthu Source: Amazingfacts daily devotion

Picture: CNN (3 teenage boys rescued after 50 days stranded at sea